Granskar om kampfiksing kan ligge bak fotball-angrepet

Svensk fotball jobber nå på spreng for å finne ut kva som er årsak til overfallet på Östersunds målvakt mandag. Samstundes er det nå klart at målvakta er uskadd.

Angrep på keeper

ARRESTERT: 17-åringen som overfall Östersunds keeper, blir ført bort av politiet

Foto: MIKAEL FRITZON / AFP

Rett etter overfallet i går kveld tok det til å gå hardnakka rykte på sosiale media om at det var satsa ekstraordinært store summar på kampen mellom Jönköping Södra og Östersund i Allsvenskan.

Det har fått Svenska Spel – Sveriges motstykke til Norsk Tipping – til å bestille ein rapport om spelet på denne kampen, slik dei gjer når det er mistanke om kampfiksing.

Å få kampen avbroten i siste minutt, slik at spelarane skulle få innsatsen tilbake, kan ha vore ein backup-plan, skriv Expressen.

Kampfiksing er eit aukande problem også i Sverige, og så seint som i juni blei seks personar dømde til fengselsstraffer for kampfiksing.

– Men ved fleire av kampane som har blitt mistenkte for fiksing, er dei største innsatsane ikkje gjort i Svenska Spel, seier pressesjef Andreas Jerat til Göteborgs-Posten.

Uskadd

– Vi har bestilt rapporten for å finne detaljar om spelet på kampen. Vi vil vite kva som har hendt, sier Jerat.

Angrep på keeper

ANGREP PÅ KEEPER: Her blir Aly Keita angripen og skadd av den hettekledde 17-åringen

Foto: MIKAEL FRITZON / AFP

Det var på overtid i kampen, på stillinga 1-1, at overfallet skjedde. Medan spelet gjekk føre seg på andre enden av bana, sprang ein 17 år gammal tilskodar ut og gjekk til angrep på Östersunds målvakt Aly Keita.

Keita vart såpass skadd at han vart liggande ute på bana i åtte til ti minutt medan førstehjelpsfolka tok seg av han. Etterpå vart han send til sjukehus. Keita skal være fortumla, men fysisk uskadd, ifølgje rapportane tirsdag formiddag.

Etter 20 minutt mandag kveld vart det bestemt at kampen skulle avbrytast.

17-åringen vart overmanna, og sit no i arresten.

Laster Twitter-innhold

Magekjensle: Ingen kampfiksing

– Magekjensla seier at det ikkje er nokon kopling til spel på kampen. Men vi gjer dette for å vere på den heilt sikre sida, seier Jerat. Han håpar å få svar i løpet av føremiddagen.

Laster Twitter-innhold

– Men eg veit at mange reagerer på at 17-åringen er frå Södertälje. Og det var ikkje noko lag frå Södertälje som spela.

17-åringen er til avhøyr, men politiet er sparsame med kommentarar.

– Han har ikkje sagt stort, seier Tommy Thorngren, talsmann for Jönköping-polisen, til Dagens Nyheter. Avisa har heller ikkje fått nokon kommentar frå 17-åringens advokat.

Det svenske fotballforbundet har heller ikkje avgjort om resultatet 1–1 skal stå.

Siste nytt

  • Wolves med komfortabel siger

    Wolverhampton vann 2-0 mot Crystal Palace i kveldens oppgjer i Premier League. I sin første kamp frå start sette Rayan Ait-Nouri inn 1-0 etter 18 minuttar. Knappe ti minuttar seinare fekk Daniel Podence si første skåring for sesongen. Like før slutt fekk Crystal Palace-spelar Luka Milivojevic raudt kort etter ein stygg takling på João Moutinho.

    Britain Soccer Premier League
    Foto: Andrew Boyers / AP
  • Tande og Opseth vann NM

    Silje Opseth og Daniel André Tande vann NM i hopp i normalbakken i Midtstubakken. Sjølv om Maren Lundby ikkje deltok la ikkje det nokon dempar på sigersgleda.

    – Det var ingen garanti for at det skulle gå vegen for meg i dag. Det at eg står på toppen i dag smakar godt, sjølv om Maren ikkje var med, seier Opseth med eit stort glis.

    Tande sikra seg sin første kongepokal med sigeren i kveld.

    – Det er ingen Kongsberg-hoppar i historia som har tatt ein kongepokal, så det er godt å endeleg få plassert den pokalen i skihistoria på Kongsberg, seier Tande til NRK.

    Gleda over å få med seg ein kongepokal får derimot ikkje Opseth. For kvinnene får ikkje nokon kongepokal.

    – Eg synest det er litt kjedeleg, seier Opseth til NRK.

    Det er eit krav om at ein må vere over 15 deltakarar for å dele ut ein kongepokal. I årets renn for kvinnene var det 9 som stilte til start.

    – Eg veit ikkje om det er ny rekord i år, men me er vert fall mange fleire enn me har vore tidlegare, og det er positivt. Me tar med oss det, sjølv om me ikkje er mange nok til å få kongepokal, seier Opseth.

    Halvor Egner Granerud tok sylvet og Marius Lindvik tok bronse. Eirin Kvandal kom på plassen bak Opseth, og Anna Odine Strøm tok bronse.

    Arrangementet skulle eigentleg vore i mars, men blei utsett på grunn av koronapandemien.

    NM-hopp kvinner og menn
    Foto: Heiko Junge / NTB
  • Njåtun med ti strake NM-gull

    Ida Njåtun var nok ein gong sterkast på 1500 meter i skøyte-NM. For ho tok gullet på distansen for tiande gong på rad. Ho klokka inn på 1.58,06 i Vikingskipet i Hamar. Det er meisterskapsrekord, ifølge NM-arrangøren Asker skøyteklubb.

    Tidlegare på dagen vann Håvard Holmefjord Lorentzen gullet på 500 meter. Bergensaren gjorde årsbeste med 35,06.

    Hallgeir Engebråten kunne juble for siger på 5000 meter. Han tok sitt første seniorgull i NM, med tida 6.27,53.

    VM skøyter allround / sprint 2020 Hamar
    Foto: Fredrik Varfjell / NTB

Sendeplan

Kl. Program Kanal