NRK Meny
Normal

Fem ting vi hugsar frå femte runde

Aalesund slo tilbake, Glimt tapte mot ni mann, Odd var ikkje uslåelege likevel. Den femte eliteserierunden inneheldt mange «første».

Aalesund

Sunnmørsk jubel i hovudstaden: Aalesund snudde kampen mot storfavoritt Vålerenga og vann 2–1 på Ullevaal

Foto: Pedersen, Terje / NTB scanpix

Vålerenga, Odd og Mjøndalen gjekk på sine første tap, Lillestrøm, Haugesund og Aalesund vann for første gong. Og fem av seks kampar torsdag enda med bortesiger.

1. Vann for sparka trenar

Reporter: Arnfinn Fagerli, foto: Arild Sandsvik, redigering: Eirik Rasdal.

Tysdag sparka Aalesund Harald Aabrekk frå trenarjobben etter berre fire kampar som til saman hadde gitt berre eitt poeng. To dagar etterpå svara sunnmøringane med årets første siger og den første over Vålerenga på Ullevaal nokosinne . – I dag representerer vi Sunnmøre slik vi skal. Vi er trass alt Sunnmøres stoltheit, sa ein tydeleg rørt Trond Fredriksen, AaFK-trenar inntil vidare. Og han gløymde ikkje sin forgjengar. – Denne sigeren deler eg med Harald. Denne kampen var for han. VIF-trenar Kjetil Rekdal var mindre nøgd med kampen. – Om vi ikkje er betre søndag, blir vi pløgde av Lillestrøm, seier han.

Laster Twitter-innhold

2. To raude kort og tre poeng

Reporter: Halvor Ekeland, redigering: Jørgen Figenschou.

Bodø/Glimt ligg med sitt eine poeng framleis sist på tabellen. Det vart nytt tap torsdag, trass i at motstandaren spela siste halvdel av andre omgang med berre ni mann . Likevel makta ikkje Glimt å snu 0-2, og Haugesund kunne ta med seg tre poeng på flyet heim. – No må vi gå i oss sjølve og begynne å vakne. Dette er langt frå godt nok, tordna Bodø/Glimts Trond Olsen.

Laster Twitter-innhold

3. Friday-hat-trick på ein torsdag

Reporter: Halvor Ekeland, redigering: Jørgen Figenschou.

Fred Friday var mannen på Mjøndalen stadion. Heimelaget tok leiinga, men nigerianaren snudde kampen nesten på eiga hand då Lillestrøm banka mjøndalingane 4–1. Mjøndalen kom ned på jorda med eit brak etter si flotte serieopning med fire kampar utan tap. Lillestrøm brukte musklane som måtte til for å få sin første siger. Kjekt å ha i bagasjen før møtet med erkerival Vålerenga søndag.

Laster Twitter-innhold

4. Til topps trass straffebom

Rosenborg er på toppen av tabellen i Eliteserien etter nok en seier. Reporter: Arnfinn Fagerli.

Aleksander Søderlund bomma på straffe på stillinga 1–1. Men kva gjer det når ein likevel scorar to mål, hjelper laget til siger 3–2 og einsam tabelleiing? Start leia i over ein omgang, men bukka til slutt under for presset og duoen Mike Jensen og Aleksander Søderlund. Sistnemnde bomma på først straffe og sende deretter RBK i leiinga i løpet av eitt minutt. God siger å ha framfor storkampen mot Odd i Skien søndag.

Laster Twitter-innhold

5. Odd var likevel ikkje uslåelege

Høydepunkter fra kampen mellom Sarpsborg 08 og Odd i eliteseriens 5. runde.

– Spelemessig var vi klart best, men vi skaper for lite og slepper inn for lette mål, var Dag-Eilev Fagermos konklusjon etter at dei hadde gått mållause av bana i Sarpsborg og tapt 2–0. Odd var utilnærmelege i tre og ein halv serierunde, før det rakna etter pause mot Mjøndalen sist og i heile kampen i Sarpsborg i kveld.

Laster Twitter-innhold

Fotballnyheter

Videoklipp

En viktig scoring for Norge av Martin Ødegaard mot Irland.
Se alle målene her.
Se alle målene her.