Stig André Berge i bronsefinalen: – Råsterkt

• Følg bronsefinalen til Stig André Berge her!

Berge tapte mot same motstandar ifjor. I dag fekk han revansjen sin. Med 2-0-seiar er han klar for bronsefinale.

– Han har vore aktiv i denne kampen og kom svært godt i gang. Det er råsterkt. Det er vanvittig bra, seier NRKs kommentator, Patrick Sten Rowlands.

Bronsefinalen går 22:15 mot Aserbadjaneren Rovshan Bayramov.

Skuffa etter kvartfinale-tap

– Eg hadde eit håp om å gå heile vegen. Eg var i kanonform, men slik vart det ikkje. Nei, faen, seier Stig André Berge til NRK etter 0-4-tapet mot japanske Shiobu Ota.

Medaljehåpet Berge er tydeleg prega når han møter media etter nederlaget. Han har kloremerkar på brystet, blåveis på høgre auge og ein blodig sprekk i leppa.

Likevel - det er nederlaget som svir aller mest.

– F*** i dag var eg i bra form. Beklagar, seier Berge.

Det var kanskje den viktigaste kampen i karrieren hans. Berge møtte same mann VM for eit år sidan, men sjølv med tap kan 33-åringen har fortsatt sjanse til å komme til bronsefinale:

• Japanske Shinobu Ota vann semifinalen, og kjem seg til finale i 59-kilosklassen. Dermen kan Stig-André Berge vera med å kjempe om ein bronse.

Medaljehåpet er dermed ikkje heilt vekke for nordmannen.

Slik er vegen til bronsefinalen

På matta vart det tøft for Berge i kvartfinalen.

– Det vert skalling, kriging og brekking av fingrar. Det smell litt innimellom. Leppa sprekk og blåseveis er berre bra, forsikrar Berge.

– Er det vanleg og lov å knekka fingrar?

– Det er ein del av gamet. Man skal vera kynisk.

Vann 2-0 i den første runden

Stig André Berge vann 2–0 i den første OL-runden i kamp mot sørkoreanske Jungbaik Lee. I åttedelsfinalen mot kviterussiske Soslan Daurov vann han 3-0, og er med det klar for kvartfinale.

Det er tredje gong brytaren deltek i OL. Både i Beijing i 2008 og London i 2012 rauk han ut i første runde, trass ambisjonar om medalje.

Han har også hatt førsterunde-spøkelset hengande over seg. Aldri før har han gått vidare frå den første runden i eit OL, og i dag var det altså hans tredje forsøk.

I dag hadde han kontroll og gjekk vidare.