Arctic Race i august
Sykkelrittet Arctic Race of Norway skal gå frå 5. til 8. august neste år, melder den daglege leiaren i rittet, Knut-Eirik Dybdal, i ei pressemelding.
OL i Tokyo går frå 23. juli til 8. august, men landevegsdelen i OL går første veka av leikane.
Årets utgåve av Arctic Race vart avlyst på grunn av koronapandemien. Utgåva for neste år vil bli køyrd med same løypekart som det som var planlagt i år.
Det betyr start i Tromsø og mål i Harstad. Rittet går også innom Kilpisjärvi i Finland.