– Bokløv-stilen øydela hoppsporten

– Eg ventar på hopparen som torer å droppe v-stilen. Wirkola var ein stilhoppar. Bokløv øydela alt. Det ser jo ikkje fint ut, seier Bache med eit lurt smil.

• LES: Da hoppsporten skiftet stil

– Men dei hoppar gysla langt med denne stilen då, kommenterer Gokstad.

Still spørsmål

Under konkurransen kan du sjå og stille spørsmål til Bache og Gokstad på Sport 1 i nett-tv direkte frå klokka 17.00.

Du kan også komme med kommentarar og spørsmål på Twitter og Instagram ved å bruke hashtagen #nrkaltvm.

Duoen kan ikkje skryte på seg ei aktiv idrettskarriere. Men dei har fått med seg mykje vinteridrett på tv i sofakroken.

Kan lite om hopp

– Eg har aldri drive konkurranseidrett. Aldri, seier Bache.

– Vi gler oss til å kommentere. Men vi har nok eit større hjarte for langrenn enn hopp. Telemarknedslaget er jo nesten borte også, seier Gokstad.

Samstundes føresler dei ei ny konkurranseform innan hoppsporten, for å få tilbake den gamle stilen.

– Eg forstår jo at dei ikkje kan byte ski midt i svevet, men kanskje dei kan bruke den gamle stilen først, og så byte om til v-stil undervegs. Det hadde vore interessant, seier Bache.

Av norske medaljefavorittar snakkar dei naturleg nok om Anders Bardal som tok gull i normalbakke.

Men Øystein Bache dreg til slutt fram Tom Hilde som sin norske medaljefavoritt - fordi han har møtt han.

– Kan bli gutteprat

– Det er berre fordi du trudde han var ei dame, seier Gokstad.

– Eg heiar på dei som ikkje er favorittar. Dei som kjem til bakken som underdog, seier Øystein.

No ser dei fram til kommentatordebuten. Der vurderer dei å ta med ein termos med pølser, dersom dei skulle bli svoltne undervegs.

– Det skal bli deilig å sitje heilt roleg. Så er jo gutar gutar, det betyr at det kan bli litt gutteprat undervegs, ler dei.