– Vi møter eit lag som har gjort det betre enn det som var venta før sesongen starta. Det skal dei ha skryt for, seier han til ikstart.no.
– Med eit ganske ungt mannskap så har dei klart å gjenskape fart og tempo i det dei gjer på bana. Fart, fart, fart i alt dei gjer og bra organisert, seier Tørum.
Entusiasme
I søndagens oppgjer møtest eliteserien sine to beste talentklubbar. Ingen lag i eliteserien er betre på å bruke unge talent.
LES OGSÅ: Godset og Start er talent-vinnarane
Godset-trenar Ronny Deila har tidlegare sagt at klubben satsar bevisst på å utvikle eigne spelarar.
– Vi får att for det i form av meir entusiasme rundt laget, sa han til godset.no.
Sjølvsikker Tørum
Knut Tørum trur det vert spesielt viktig å krige Strømsgodset ut av stilen.
– Det vert nok lettare her på Sør Arena enn det var i Drammen i vår, for dei har vore mykje betre på eige gras. Nøkkelen til suksess søndag vert å bryte gjennom kontringane deira, for dei kjem til å satse fullt framover når dei får sjansen, seier han.
Start tapte borteoppgjeret mot Godset 1-3.
– Vi kjem til å få til eit bra angrepsspel, det er eg heilt sikker på, og så kjem vi til å halde nullen for første gang på lenge. Det vert einvegskøyring, trur Tørum.
Start - Strømsgodset
Sør Arena, søndag kl. 18:00
Start (9): Bernt Hulsker er suspendert av klubben i tre kampar etter valdsepisoden. Bård Borgersen er skada. Espen Børufsen og Petter Bruer Hanssen er usikre.
Strømsgodset (4): Jo Inge Berget er med i troppen etter et langvarig skadeavbrekk. Steffen Nystrøm, Joel Riddez og Kim Andre Madsen er ute med skader.
Omvendt kamp tidlegare i sesongen: 1-3
Dommar: Ken Henry Johnsen, Flint
Form: Start (TVUTT) - Strømsgodset (VVUVT)
