Rådyr i hagen? Bjørn Ivar fann løysinga ved eit slumpetreff

– Eg har hengt opp gamle CD-plater som blinkar. Eg har prøvd luktpreparat som skal vere avskrekkande, og eg har prøvd ultralyd, fortel Bjørn Ivar Krabbesund frå Arendal.

Han har gjort ei rekke forsøk på å bli kvitt rådyr som i fleire år har forsynt seg godt av blomar og bær i hagen hans.

– Men det verkar som om dei venner seg til dette etter eit par, tre veker, og så er dei tilbake.

Sette på radioen

Ingen av tiltaka har fungert over tid. Men utan å vere klare over det har han funne løysinga sjølv.

Han har lagt merke til at rådyr ikkje er så glade i menneskestemmer.

– Du har sikkert opplevd å gå langs ein veg, og så står det eit rådyr og beiter. Det står berre og kikkar og følger med på deg. Men om du stoppar og seier "Hei!", så rømmer det.

Og nettopp stemmer skulle vise seg å bli løysinga.

Meir om det seinare.

Tips mot rådyr i hagen:

Sett opp et gjerde eller viltnetting rundt hele eiendommen eller rundt det området du vil beskytte. Rådyr hopper høyt, så et gjerde med høyde på 1,8-2 meter er nødvendig.
Vannspreder med bevegelsessensor som kobles til hageslangen. Denne vil automatisk sprute vann når den oppdager bevegelser, og dette skal være nok til å skremme vekk rådyret.
Spray en anti-rådyr-blanding på plantene jevnlig. Lag blanding bestående av 1 ts chilipulver, 1 ts hvitløkspulver, 3 egg og kokende vann.
La biter av oasis ligge en stund og trekke til seg en blanding rådyrene ikke liker lukten av: 1 del blodmel (gjødsel), 2 deler vann og litt salmiakk. Legg bitene i områder du vil hindre besøk, eller sett bitene opp på pinner i jorda.
Heng opp menneskehår i en nylonstrømpe, eller strø det rundt i blomsterbed.
Sett opp «rådyrskremsel» ved hjelp av søppelsekker på pinner. Måten de vil blafre og bevege seg på kan virke skremmende for rådyret.
Etter sigende liker ikke rådyr fargen gul. Forsøk deg med å plante gule blomster, eller eventuelt sette fram eller henge opp andre gule gjenstander.
La være å friste dem med planter og frukter de liker spesielt godt: tulipaner, krokus, roser. Fjern også nedfallsfrukter om høsten for å minske sjansen for ubudne gjester om våren.

Kilde: gartnerportalen.no

Ute etter planter og insekt

Lærar på Bringsvær leirskole, Trond Ole Bertelsen, har erfaring med rådyr. Han har blant anna jobba som instruktør i Noregs jeger- og fiskeforbund, og jobba med skadedyr for Kristiansand kommune.

Bertelsen fortel at rådyr trekker til hagar fordi dei er glade i veldig mange planter som finst der.

Han nemner tulipanar, påskeliljer, krokus og bringebær.

Fekk uventa hjelp

Bjørn Ivar Krabbesund fann løysinga mot rådyr da han fekk uventa hjelp frå NRK.

– Eg sat og høyrde på Sørlandssendinga på P1 ute på terrassen, men gløymde å skru av radioen. Etter at han stod der og dura og spelte lågt om natta, oppdaga eg at det ikkje hadde kome nokon rådyr, seier han.

No har radioen stått ute i heile sommar, og i den delen av hagen har det ikkje vore eitt rådyr i sommar, ifølge Krabbesund.

Når lærar Bertelsen på Bringsvær leirskole blir spurd om han er overraska over at ein radio med NRK P1 skulle halde rådyr unna hagen, svarer han:

– Ny lyd eller ny lukt kan rett og slett vere det som fungerer, seier han.

Gartnerportalen.no har også fleire tips for å halde rådyr unna hagen.

Eitt av dei er å lage «rådyrskremsel» ved å klippe til brun papp eller anna brun overflate og måle ein stor kvit flekk på, slik at det liknar baken til eit rådyr.

Set du opp ei slik brun og kvit plate i hagen, kan det skremme rådyr frå å nærme seg. Grunnen er at når rådyr vil varsle andre rådyr om fare, gjer det halespegelen (det kvite området på baken) større.