04:28: Politiet fekk melding om innbrot etter at ei rute i ei leilegheit var knust. Det viste seg at det var eigaren sjølv som hadde knust ruta for å komme seg inn.
02:10 Åmli: Ei kvinne i Åmli vart send til legevakta for sjekk etter det politiet kallar ei hending med snøskuter. – Noko uklart kva som har skjedd, opplyser operasjonssentralen i Agder-politiet.
01:33 Kristiansand: Ein mann vart natt til laurdag pågripen etter at han skal ha slått til ein annan mann med fleire slag i ansiktet. Hendinga skjedde i Kristiansand sentrum.
01:30 Kristiansand: Ein bilførar er mistenkt for ruskøyring etter at to bilar kolliderte på Gartnerløkka. Det er føraren av den eine bilen som er mistenkt. Førarkortet til sjåføren er beslaglagt.
00:55 Arendal: Ein mann vart pågripen og sett i arresten etter å ha forstyrra ro og orden, og forulempa ein polititenestemann.