Mannen er sikta for å ha truga eit vitne i ei straffesak som politiet etterforskar, skriv Fædrelandsvennen.
Presidenten vart arrestert i Kristiansand fredag føremiddag og framstilt for varetektsfengsling berre få timar seinare.
Under fengslingsmøtet var det store politistyrker utanfor tingretten i Kristiansand.
– Årsaka til det handlar om det miljøet MC-presidenten tilhøyrer. Rettsmøtet var lukka og vi i politiet har ingen ynskjer om å ha desse personane utanfor, sa etterforskingsleiar i politiet, Kjell Erik Eriksen til NRK.no tidlegare fredag.
Ifølgje avisa nekta europapresidenten for å ha sett fram trugslar.
Politiet har vore særs sparsommlege med gi ut opplysningar i saka.
– Vi ynskjer førebels ikkje å kommentere noko rundt denne saka, sa politiadvokat Anne Grethe Isaksen til NRK.no tidlegare fredag.
