– Får folk den på seg bit den skikkeleg. Det kan klø ganske lenge etterpå, seier viltforvaltar hos fylkesmannen i Vest-Agder, Tor Punsvik til NRK.no.
Parasitten fins i første rekkje på rådyr, elg og hjort, men bit også menneske om den får sjans.
– Det er om å gjere å få den av seg raskast mogleg. Det beste er å knipe den av med fingeren og kaste den vekk, seier han.
– Den går i hår og skjegg. Den flyr dårleg, men kan komme i små svermar, seier Punsvik.
– Kan ein bli sjuk dersom ein blir bitt av ein slik?
– Ikkje som eg veit. Men du kan få allergiske reaksjonar og der er det store skilnader på folk. Eg veit at den kan bite og det gjer skikkeleg vondt, seier viltforvaltaren.