Laga vart offentleggjort i den finske VM-byen Kontiolahti torsdag.
Sørlendingane må vere blant dei 30 beste for å få gå jaktstarten søndag.
Marte Olsbu (24) er med i sitt første VM nokosinne.
– Først og fremst er det berre kjempestas at eg er her. Og så trur eg at eg får meir nervar når det nærmar seg, sa Olsbu til NTB under pressetreffet i Trysil i forkant av VM.
Lars Helge Birkeland har delteke i VM tidlegare, men har ikkje vore med i medaljekampen. I siste verdscuprenn før VM imponerte han stort med ein 5. plass på sprint. Dette sa han til NRK om medaljesjansane i førre veke:
– Då må absolutt alt klaffe. Då må eg ha god dagsform, gode ski og feilfri skyting. Eg har jo ikkje vore på pallen i verdscupen, så det skal mykje til, sa Birkeland.
26-åringen meiner at ei topp ti plassering er meir realistisk.
- Les også: Håper å holde VM-nervene under kontroll
