– Må hindre flytting til Oslo

– Vi ser no at Oslo-sjukehusa er aktuelle for å overta viktige delar av det som er hos oss. Det er der vi må setje inn kampen, seier ordførar i Kristiansand, Per Sigurd Sørensen til NRK.no.

• LES OGSÅ: – Liv og helse setjast på spel
• LES OGSÅ: Manar til kamp for sjukehuset

– Kvar er drahjelpa?

I Arendal er det fakkeltog og folkemøte på gang for å støtte sjukehuset. Og ordførar Torill Rolstad Larsen etterlyser igjen hjelpa ho meiner Kristiansand har lova.

– Kva er drahjelpa? Kvar står vi saman når det gjeld Sørlandet sykehus, spør arendalsordføraren.

Men når sjukehusdirektøren i dag møter politikarane i Kristiansand, vert det neppe snakk om fakkeltog.

• LES OGSÅ: Mobiliserer til kamp for sykehuset
• LES OGSÅ: Flytter AMK fra Arendal

Kjempar for sitt

– Eg kjenner meg ikkje att i den beskrivelsen. Eg trur ein heller skal bruke litt andre saklege og verknadsfulle middel enn det, seier Sørensen.

– Har du i det heile noko sympati for kampen som vert utkjempa i arendalsområdet?

– Det har eg ikkje lyst til å meine noko om. Alle kjempar for sitt, seier kristiansandsordføraren.

– Kva tykkjer du om Arendal-Kristiansand-diskusjonen?

– Eg tykkjer den diskusjonen vert litt liten i denne samanhengen. Det er det å sikre viktige funksjonar på Sørlandet som er viktig for oss. Då kan vi ikkje ha eit fakkeltog for kvar avdeling som skal flyttast frå hit til dit, seier Sørensen.

Kraftig provosert

Stortingsrepresentan Freddy de Ruiter er kraftig provosert over uttalelsane til ordføraren i Kristiansand.

– Det nærmar seg løgnaktighet. For meg handlar det om liv og helse. Det handlar om sjukehustilbodet til heile befolkninga og ikkje berre Kristiansand og omegn si befolkning, seier de Ruiter til NRK.no.

• LES OGSÅ: Ber helseministeren om hjelp

Politikarane i Aust-Agder er særs uroa for framtida til sjukehuset i Arendal. Fleire avdelingar ved sjukehuset ser ut til å forsvinne eller bli redusert på ein eller annan måte.

– Det er vrøvl og tull at akuttfunksjonar som barn, nevrologi og den slags, at det vil truget tilbodet på Sørlandet, dersom det vert verande i Arendal, seier de Ruiter.

– Arrogant

– Ordføraren i Kristiansand prøvar å vri merksemda til noko anna og det tykkjer eg er særs beklageleg, seier stortingsrepresentanten.

Han reagerer også på Sørensen sin kommentar om at ein ikkje kan arrangere fakkeltog kvar gang det vert debatt rundt flytting av ei ny avdleing.

LES OGSÅ: Helsetilsynet overvåker striden

– Eg tykkjer det er usedvanleg arrogang. Dersom han har tenkt å få til ei fylkessamanslåing kan han sjå langt etter den viss ikkje han og dei andre i vest vaknar opp og kan gje oss drahjelp, slik at vi kan sikre befolkninga eit godt helsetilbod, seier de Ruiter.