Politiet i Agder fekk fredag kveld melding om at 11-åringen var observert i trafikken. Dermed vart det sendt ut ei patrulje for å stoppe guten. Politiet stoppa trafikken i Flekkefjord. Køen hopa seg opp og dermed kunne politiet ta hand om 11-åringen.
11-åringen stakk av i ein bil som tilhøyrde familien.
- LES OGSÅ: 15-åring kjørte 15 mil
Stoppa to gonger
– Det er bekrymingsfullt at denne guten på nytt tek ein bil og køyrer av garde. Vi håpar det vert sett i verk tiltak heime i Rogaland, seier operasjonsleiar i Agder politidistrikt, Vidar Neset til Aftenbladet.
Tysdag denne veka vart den same guten stoppa i trafikken ved Lyngdal. Då hadde han køyrt frå Rogaland. Til politiet forklarte den unge sjåføren at han var på veg til Danmark.
Rogalendingen vart avslørt av ein lastebilsjåfør, som ringde politiet og fortalde at han hadde observert ein bilførar som såg særs ung ut. Køyreturen enda til slutt i grøfta.
Køyrde traktor på E39
Ifølgje avisa har mor til guten stadfesta at han også tidlegare har køyrt sørover på E39 med traktor.
Guten er no overlevert til barnevernet, som vil ta saka vidare i samråd med familien.
– Vi er særs uroa for den faren han utset seg sjølv og andre trafikantar for, seier operasjonsleiar i Rogaland politidistrikt, Svein Kjetil Larsen til avisa.
