– Øystein er ein veldig interessant spelar. Han har alltid scora mykje mål og er dermed ein mann vi vil sjå nærare på, seier Sogndal-assistent Håvard Flo til Sogn Avis.
Myrkaskog har vore ein viktig mann for vikjene. Mellom anna var han med og senka Førde med hat trick i cupen.
– Han har veldig mykje spissmateriale i seg, posisjonering i boksen, frekkheit, fysikk og eit bra steg. Grunnlaget er der, og vi vil sjå om han er klar til å ta eit steg vidare, seier Flo.
- LES OGSÅ:
Er på tide å velje
Han seier til avisa at Myrkaskog er komen i ein alder der han må ta eit val i forhold til kva han vil med fotballen.
– Skal han ta eit steg vidare, må det vere no. Vi ser fram til å ha han på hospitering hjå oss, og då kan vi også høyre kva han sjølv tenkjer, seier Flo.
MÅ VELJE: Håvard Flo, assistenttrenar i Sogndal, meiner Myrkaskog må bestemme seg for kva han vil med fotballen.
Foto: Rune Fossum / NRKTrenaren meiner han er best i fylket
Sjølv seier Myrkaskog til avisa at han er godt nøgd med å få sjansen til å syna seg fram på øvste nivå.
– Det er veldig kjekt. Eg må vedgå at eg har venta på ein telefon som dette, då det har vore så mykje snakk om den siste tida. Eg skal inn der og gjere mitt beste, så får vi sjå, seier Myrkaskog.
- LES OGSÅ:
Vik-trenar Jarle Christensen har lenge tenkt at noko slikt kunne komme til å skje.
– Eg meiner harn er den beste spissen i fylket, medrekna Sogndal-spissane, seier Christensen.