NRK Meny
Normal

Støy og rus - slik var natta for politiet

Politiet måtte i løpet av natta rydde opp i fleire tilfelle av krangel, uro og overstadig rusa personar.

Politi-illustrasjon

RUS OG URO: Travel natt for politiet i Sunnfjord, roleg i Sogn og Nordfjord.

Foto: Lien, Kyrre / SCANPIX

Like etter midnatt måtte politiet i Førde ta seg av ein overstadig rusa person på ein utestad i byen. Vedkomande måtte overnatta i drukkenskapsarresten. Eit par timar seinare leid ein kranglevoren gjest på ein utestad same skjebne.

Politiet fekk fleire klagar på støy frå bilar som spelte musikk på festplassen i Førde. Festdeltakarane fekk pålegg om å dempe seg.

Ved tre-tida natt til i dag måtte politiet få hjelp av ambulanse, då ei overstadig rusa kvinne på ein utestad i Førde trong helsetilsyn.

På den trafikale sida kom politiet over to bilar i Førde som var kravd avskilta. Begge vart avskilta. Politiet stogga også ein bil som hadde prøvekjennemerker som var utgått på dato. Bilen vart parkert og føraren meld.

Medvitslaus i sentrum

Like før midnatt fekk politiet melding om ein rusa person som låg i ei grøft i Florø. Vedkomande kom til seg sjølv då politiet kom til staden. Vedkomande vart køyrd heim.

Ved eitt-tida i natt måtte politiet ta hand om ein overstadig rusa person på ein privatfest i Florø. Vedkomande fekk hjelp av ambulanse,

Ved halv tre-tida i natt fekk politiet i Florø melding om ein medvitslaus person i sentrum. Vedkomande kvikna til og fekk tilsyn av helse.

Litt seinare på natta måte politiet vise fekk ein mann i 20-åra etter uro og bråk ved ein utestad i Florø.

Ved halv fire-tida vekk politiet melding om høglydt krangel og mogleg slagsmål i Florø sentrum. Då politiet kom til staden hadde det roa seg, men saka ver følgt opp i ettertid.

Ramponerte bil

I Stryn vart ein rusa person meld etter å ha stått på taket av ein bil, og ramponert den.

Litt seinare på natta måtte politiet ordne opp i uro på ein utestad der det var samla mykje folk. Ein person trong hjelp av helse.

I Lærdal ved politiet spørsmål om hjelpe til med å få ein rusa person i hus, men saka løyste seg før politiet kom til staden.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.