Stengjer fylkesveg

Neste veke startar arbeidet med eit nytt betongrekkverk på ei strekning på fylkesveg 618 mellom Vågsøy og Selje. Det kan då bli behov for å stenge vegen på dei smalaste punkta i inntil to timar, opplyser Statens vegvesen. Arbeidet skal gå føre seg på strekninga mellom Pollaneset i Vågsøy til Salt i Selje kommune, mellom kl. 8 om morgonen og kl. 20 om kvelden. Rutebussar og utrykkingskøyretøy vil kunne passere også når vegen er stengt.