Verftsarbeidar fall om under malingsarbeid - politiet måtte rykkje ut frå Førde

– Vi kan no stadfeste at det har vore ei arbeidsulukke ved Havyard Leirvik. Politiet er på veg til staden, fekk NRK opplyst frå operasjonssentralen til politiet.

Klokka 20.10 melder Sogn og Fjordane politidistrikt at dei driv med åstadundersøking på verftet.

– Det har vore tre menn som har jobba ilag ombord i ein båt og dreve med malingsarbeid då den eine har falle om. Han kom til medvit igjen og er vurdert av helsepersonell. Han er sendt vidare til Førde sentralsjukehus for vidare undersøkingar, opplyser politiet.

Årsaka til hendinga er ukjend. Mannen er av utanlandsk opphav og arbeidstilsynet er varsla, melder politiet.