Reagerer på Hopen-behandling

Sogndalspelaren sjekka måndag innn på klinikk for spel- og rusavhengigheit i England. Det får tidlegare Southampton-stoppar Claus Lundekvam til å reagere.

Han meiner det er ein skandale at Norsk fotball ikkje tilbyr liknande behandling ved Idrettens Helsesenter på Ullevaal.

• LES OGSÅ: Hopen får spelehjelp i England

– Dei behandlar skader, det psykologiske, dei har kirurgar og legar. Men når eg seier at dei må ta avhengigheitsproblemet inn, så er mitt inntrykk at dei ikkje vil diskutere det, seier han til VG.

Vil ta tak

Lundekvam har sjølv slite med rusproblem og fekk hjelp for dette i England. No meiner han klinikken norsk fotball har starta opp, ikkje vil inkludere rus- og spelavhengigheit i frykt for å skade rykte.

• LES OGSÅ: Rosar «Myggen» og Lundekvam

Nytilsett generalsekretær i Norges Fotballforbund, Kjetil Siem, seier at dei no vil ta tak i problemet.

• LES OGSÅ: Eirik Bakke meiner fleire slit meir enn Hopen

– Det har ikkje vore noko strategi på handtering av slike saker. Kanskje fordi det har vore litt tabubelagt, at vi ikkje har vore klar over omfanget. Det har rett og slett ikkje vore nok framme, varsellampene har difor ikkje lyst, seier han til VG.

Vart truga

Tidlegare i vinter stod Ørjan Hopen fram som spelavhengig . Allereie som åtteåring spelte han på Oddsen. Dei siste åra auka innsatsen og frekvensen, men på ein månad kunne han spele for 40 000 kroner månaden.

Så kom trugsmåla.

– Trugsmåla kjem frå enkeltpersonar Norge rundt. Dei har truga med å melde meg til politiet og med fysisk vald, fortalde han.

– Må inn med det same

Lundekvam seier til VG at Hopen no får hjelp i England fordi klinikken skuldar han ei teneste.

• LES OGSÅ: Unge fotballspelarar er blant dei mest utsette for speleavhengigheit

– Han skulle eigentleg inn i mars. Poenget er at når du sjølv har teke oppgjeret med problemet, må du inn med ein gang. Elles byrjar du å lure på korleis ting skal gå, seier 38-åringen.