Ein fullsett sal i operahuset på Nordfjordeid, kunne konstatere at Kari Pavelich og resten av Opera Nordfjord nok ein gong har skote gullfuglen. Den klassiske operaen Tryllefløyten, skrive av Wolfgang Amadeus Mozart.
I dag er det søndagsmatiné, og i alt skal det framførast ti framsyningar av operaen, og billettsalet har gått strykande. Bortimot fulle hus, og dermed ny, stor suksess for eldsjelene bak operasatsinga i Nordfjord.
Svært viktig
Fylkesmann Anne Karin Hamre stod sjølv på scena, ikkje for å synge, men for å sende si helsing til alle dei som står bak Opera Nordfjord.
OPNA OPERAEN: Fylkesmann Anne Karin Hamre.
Foto: Stig Høynes– Eg meiner at det Opera Nordfjord gjer og står for har ein enorm betydning for fylket. Dei er, saman med andre gode krefter, med på å setje Sogn og Fjordane på det musikalske kartet, seier Hamre til NRK.
Solist frå Førde
Det er fleire kjende solistar med i oppsetjinga, mellom anna Jorunn Torsheim frå Førde:
Marius Roth Christensen, Lise Granden Berg, Carl Ackerfeldt, Mari-Kjersti Tennfjord, Odd Grundt, Vibeke Kristensen, Angelica Voje, Gro Bente Kjellevold, Trond Gudevold, Jan Erik Fillan og altså Jorunn Torsheim.
Regissør for framsyninga er Ronald Rørvik.