NRK Meny
Normal

MC-førar lettare skadd i krasj på fjellet

Ein MC-førar i 70-åra kom frå det med lettare skader etter ei trafikkulykke på riksveg 52 på Hemsedalsfjellet.

MC-ulykke på Hemsedalsfjellet

TIL SJUKEHUS: Ein motorsykkelførar er sendt til sjukehus etter ulukka ved Breistølen.

Foto: Truls Kleiven / NRK

Alle naudetatane rykte då meldinga om ei alvorleg motorsykkelulukke ved Breistølen i Lærdal kom inn klokka 12.55.

Luftambulansen frå Ål i Hallingdal kom raskt til staden og henta ut den skadde MC-føraren. Ifølgje AMK-sentralen i Helse Førde vart den skadde frakta til Ringerike sykehus på Hønefoss.

– Pasienten skal vere i fin form og er lagt inn til observasjon, opplyser informasjonsavdelinga ved Vestre Vike helseføretak klokka 17.40.

Operasjonssentralen ved Sogn og Fjordane politidistrikt opplyser ingen andre køyretøy var direkte involvert i hendinga.

Etter det NRK.no kjenner til, er det på det reine at motorsykkelen har fått skrens, vore borte i rekkverket, før den traff ein bil i sida.

Ulykka førte til lange køar i begge retningar på den sterkt trafikkerte riksvegen mellom Borgund og Hemsedal.

Ved 14.40-tida starta ein med å sleppe gjennom trafikken i retning aust. Klokka 15.30 melde Vegtrafikksentralen i Lærdal at vegen er opna for normal trafikk.

Lange køar Hemsedal

LANGE KØAR: Det danna seg lange køar i området der ulukka skjedde.

Foto: Truls Kleiven / NRK
Laster kart, vennligst vent...

Saka vert oppdatert!

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.