Aksjonen fann stad i Rødøy i Nordland, der Øren jobba som lege, skriv VG Nett.
Væpna politi kom i redningshelikopter, arresterte Øren og tok han med til psykiatrisk legesjekk. Han vart undersøkt av lege og erklært frisk, skriv avisa
For Øren sjølv er det uklart kva som er bakgrunnen for aksjonen.
Krev svar
– Eg blei «pågripen» av politiet mens eg sat fredeleg og åt middag, påført handjern og transportert av fem politimenn med maskinpistolar til lege som meinte eg var helt frisk. Eg opplever hendinga som eit kraftig overgrep. Det er også eit overgrep at eg ikkje får vite kvifor dette skjedde, seier Øren til VG.
Politiet: – Helsesak
Salten politidistrikt opplyser til avisa at det dreier seg om ei helsesak, der politiet vart bedne om å framstille ein person for lege.
– Informasjonen som operasjonsleiar tok imot var dramatisk, og kom frå truverdige personar, uttaler politimeister Geir Ove Heir til avisa.
Omstridd
Jan Øren har tidlegare jobba som lege både i Fjaler og Gloppen. I si tid som lege i Sogn og Fjordane dreiv Øren med omstridde jordstrålingsmålingar, som i ettertid synte seg å ikkje ha effekt.
- LES OGSÅ:
Øren kom også i hardt vêr då han som tilsett på Bergen Legevakt droppa ei vakt for å gå på Iron Maiden-konsert. Legen fekk i media tilnamnet «Rockelegen».
- LES OGSÅ: