Har ikkje fått tatt nye avhøyr
Politiet har ikkje lukkast med å gjennomføre nye avhøyr av mannen som er sikta for aktlaust drap i Kjølsdalen 27. desember, der to kvinner mista livet. Årsaka er at forsvararen hans er opptatt, seier distriktslensmann i Nordfjord, Tormod Hvattum, til Firda. Det er advokat Oscar Ihlebæk som forsvarar mannen. Klienten er sikta for aktlaust drap etter at han køyrde ut av riksvegen og ut på gangvegen og trefte to kvinner på kveldstur. Mannen vedgjekk ikkje straffskuld då han forklarte seg kort tid etter ulukka.