– Eg kan stadfeste at vi har gjort eit større beslag av narkotika. Med dette meiner eg eit beslag som er stort samanlikna med det som er vanleg i Sogn og Fjordane, seier stasjonssjef Robert Veseth ved Flora politistasjon til Firdaposten.
Ein person er varetektsfengsla i fire veker etter beslaget. Politiet ser samstundes ikkje bort ifrå at det kan bli fleire arrestasjonar i nærmaste framtid.
Ifølgje Firdaposten kan beslaget vere det største som er gjort i Florø nokon gong. Den varetektsfengsla mannen skal ha forsynt narkotikamarknaden i Sunnfjord med stoff dei siste åra.
– Vi har ikkje eit gedigent narkotikaproblem i Sunnfjord, men vi har eit narkotikaproblem. Og det tek vi på høgste alvor, seier Veseth til Firdaposten.