Skipet skal leverast i desember 2007. Kontrakten inneheld også ein opsjon på bygging av eit skip av same typen for levering i mai 2008.
Det er reiarlaget Havila Neptun som har bestilt skipet.
Dermed har verftet ein rekordstor ordrereserve på 12 skip til ein samla verdi på tre milliardar kroner.
- Dette er ein viktig ordre for Havyard Leirvik. Den sikrar full sysselsetjing fram til utgangen av neste år, seier administrerande direktør Geir Johan Bakke i Havyard Leirvik.
Meldinga om denne siste kontrakten kjem alt dagen etter at verftet slapp nyhendet om at dei skulle byggje to supplyskip for eit indisk reiarlag.
