– Dette er den perfekte samanslåingsregionen

– Dette må vere eit flott laboratorium for ei kraftfull satsing på utvikling i Indre Sogn, seier professor Oddbjørn Bukve.

Han meiner kommunane Leikanger, Sogndal og Luster ville ha blitt ein perfekte samanslåingsregionen

• LES OGSÅ: Vil tvinge gjennom kommunesamanslåingar sjølv om folket skulle seie nei

Oppfyller krava

For knappe to veker sidan føreslo eit ekspertutval at framtidas storkommunar bør ha minst 15000 innbyggjarar og at ein må ta utgangspunkt i bu- og arbeidsmarknadsregionar.

Dei tre sognekommunane oppfyller dette, seier Bukve.

– Avstanden mellom kommunesentera er kort. Det er ingen som har meir enn ein times reiseavstand til senteret, seier Bukve, han legg til at det allereie i dag er mykje pendling.

• LES OGSÅ: Kraftkommunar fryktar kommunesamanslåing - vil helst halde på pengane sjølve
• LES OGSÅ: Fylkeskommunen kan tape millionar om kraftkommunar sler seg saman

Luster vil bli taparen

Ordførar i Luster, Ivar Kvalen, er motstandar av ein storkommune, fordi han meiner Luster allereie i dag leverer gode tenester til innbyggjarane.

– Vi har ei veldig fin utvikling, ei fin folketalsutvikling og bedriftsetableringar. Luster er ein av landets største kommunar i geografi. Det vil bli lange avstandar frå den yttarste delen av kommunen til det eventuelt nye kommunesenteret i Sogndal, kanskje to timar i bil, seier Kvalen.

Han meiner dette er ein heilt feil veg å gå og er overbevist om at utkantane i Luster vil bli den store taparen i denne storkommunen.

– Ein ser at folketalet i Leikanger, Luster og Jostedalen er ganske avhengige av alle dei gode kompetansejobbane som finst i Sogndal. Og dei har også fått lovnad på at økonomien skal bli minst like god i den samanslåtte kommunen som i den enkelte kommunen har i dag, forklarar Bukve.

• LES OGSÅ: Slik vil Flæte komme kommunesamanslåingane i forkjøpet
• LES OGSÅ: Fantastiske kraftinntekter gir opptur for Terra-kommune