Det skal byggjast ny bru på riksveg 55 ved Fardal, mellom Leikanger og Sogndal. Den gamle brua vart skadd under storflaumen i november i fjor.
I desse dagar held entreprenøren på med å rive den gamle brua, medan bilane køyrer på ei provisorisk bru rett attmed.
Men i dag heldt det på å gå skikkeleg gale då ei gravemaskin dreiv med rivingsarbeid. Brått brotna brua under maskinen, og både maskin og førar stupte rett i elva. Gravemaskinen vart liggjande på sida, medan føraren kom seg uskadd ut. Førarhuset vart delvis liggande i vatnet, men heldigvis for føraren er det lite vatn i elva.
