I dag fortalde NRK Dagsnytt at 17-åringar blir hyra inn som sommervikarar på sjukeheimar fordi mangelen på vikarar er rekordstor.
Stor mangel på vikarar
Den store mangelen på sommervikarar i helse- og omsorgssektoren fører òg til at fleire kommunar betalar ut bonusar til tilsette som flyttar ferien.
Også i Sogn og Fjordane har verksemder og institusjonar hatt vanskar å få tak i nok folk i sommaren. NRK Sogn og Fjordane har tidlegare meldt at mangel på vikarar i Flora gjer at foreldre med sterkt pleietrengande ungar risikerer å ikkje få den hjelpa dei har krav på.
Må ta ferien i mai eller september
Avdelingsdirektør Frode Henden i NAV Sogn og Fjordane meiner dette tvingar fram endringar i ferievanane i mange sektorar i arbeidslivet.
- Om nokre år må nok folk bu seg på å ta sommarferien allereie på våren eller utover hausten, seier Henden.