NRK Meny
Normal

- Bjørneløyve i minst ein månad

Leitinga etter slagbjørnen i Sogn har så langt vore resultatlaus. Saueeigarane i området krev no at fellingsløyvet varer meir enn den veka Fylkesmannen har bestemt.

 

Olav Horpedal på bjørnejakt
Foto: MMS-foto:Arne Eithun / NRK

- Løyvet burde ha vart minst ein månad, for det tek lang tid å gjennomsøke så store område, seier saueeigar Olav Horpedal i Fjærland.

Onsdag leita han frå Horpedal opp Steindalen og opp i rundt 1000 meters høgde utan å finne korkje spor av bjørnen eller fleire sauekadaver.

 

 Ser etter ramnar

- Det er ikkje lett å finne sauekadaver i så store område, det vi ser etter er ramnar som samlar seg, eller lam som går åleine.

Rundt 30 personar i to jaktlag er klare til å rykkje ut dersom det dukkar opp nye spor etter bjørnen som har herja fjella i Indre Sogn.

I strid med rovviltpolitikken

Det kan sjå ut til at bjørnen som er på ferde i fjella i kan ha slått seg til i Sogn og Fjordane. Dette er i strid med vedteken nasjonal rovviltpolitikk. Det er grunnen til at Fylkesmannen gav nytt fellingsløyve på måndag.

 

Sauekadaveret som vart funne på Blåbærstølen i Fjærland er førebels det siste sporet etter bjørnen.
Foto: Bjarte Haugen

Leiar Arne Bjørk i Jostedalen sankelag oppmodar folk om å hjelpe til i leitinga etter ferske kadaver eller spor. Men førebels avventar dei situasjonen.

Fellingsløyvet på bjørnen gjeld fram til søndag.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.