NRK Sápmin programmh leah dovne stuvreme dej saemien årroji vööste jïh dej jeatjah årroji vööste saemien dajvesne (Saepmie). Dah programmh mah leah stuvreme årroejidie gaajhkine daejnie golme laantine, dejtie dah saemien kringkasterh Sveerjesne jïh Såevmesne ektesne darjoeh, mah åejviedïedtem utnieh dan saemien sisvegen åvteste daejnie laantine. Muvhth dejstie NRK Sápmin saernijste jïh jeatjah programmeboelhkijste seedtesuvvieh aaj gelline jeatjah laantide aalkoealmetjigujmie.
NRK Sápmin åehpemes programmh TVsne leah “Ođđasat” jïh “Mánáid-TV”. Men Sámi Radion saadtegh raadijovisnie, mejtie NRK Sápmi lea dorjeme jïh seedteme guhkemes. Dah gïelh mejtie NRK Sápmi nuhtjie leah noerhtesaemien, nöörjen, julevsaemien jïh åarjelsaemien.
TV:
Ođđasat
Ođđasat lea noerhtelaanti-saemien TV-saernieh, mah seedtesåvva dovne Nöörjesne, Sveerjesne jïh Såevmesne. Nöörjesne Ođđasat seedtesåvva kanaaline NRK1 (ts. 1730) jïh NRK2 ts. 2125). Sveerjesne Ođđasat seedtesåvva kanaalesne SVT2 jïh Såevmesne YLE 5’sne. Ođđasat akte laavenjostoe gaskem NRK, YLE jïh SVT jïh seedtesåvva NRK Sápmiste Karasjohkesne (Nöörje). Datne maahtah aaj Ođđasat daesnie vuejnedh:
Mánáid-TV
Mánáid-TV lea maana-TV saemien gïelesne, mij seedtesåvva kanaaline NRK1 jïh NRK Super. Manaid-TV maahtah aaj daesnie vuejnedh:http://tv.nrk.no/serie/manaid-tv-samisk-barne-tv. Lissine akte faalenasse saemien maanide daesnie:
Saemien kategorije
Akte jïjtse saemien kategorije TV-spielerisnie nedtesne gååvnese, gusnie maahtah programmh ikth vielie vuejnedh. Dam daesnie gaavnh:
Juktie gaajhkide programmide gaavnedh saemien aamhtesi bïjre, tjoerh læjhkan programmenommen mietie syökedh dennie alfabetiske læstosne.
Raadijove:
Sámi Radio
NRK Sápmin raadijovefaalenasse lea “Sámi Radio”. Dah saadtegh leah dovne noerhtesaemien, nöörjen, julevsaemien jïh åarjelsaemien gïelesne. Maahtah saadtegidie govledh kanaaline NRK P2, DAB jïh daesnie:
Muvhth dejstie Sámi Radion saadtegijstie leah ektiesaadtegh såevmien jïh sveerjen samiraadijovinie ektine. DABsne jïh nedteraadijovisnie saadtegh abpe dygnen, reprijsigujmie jïh musihkine/joejkine.
Aeredssaadtegh
Aeredssaadtege Sámi Radiosne lea gaskem 0700 jïh 0900. Saadtege lea noerhtesaemien gïelesne jïh datne maahtah dam daesnie goltelidh saaht gåessie: https://radio.nrk.no/serie/buorre-idit-Sápmi
Iehkedsbiejjiesaadtege
Iehkedsbiejjiesaadtege aalka 1330 jïh ryöhkoe ts 1730 raajan. Gaajhkh raadijovesaadtegh maahtah govledh kanaalesne NRK P2 jïh DABsne jïh aaj daesnie https://radio.nrk.no/direkte/Sápmi
Hïeljesaadtege
Hïelji jïh bissiebiejjiej NRK Sápmi gaskem 0800 jïh 0900 seedtie.
Saadtege julevsaemien gïelesne
Sámi Radion saadtege julevsaemien gïelesne lea måantan jïh gaskevåhkoen tsåahka 1345 kanaalesne NRK P2 jïh DABsne. Saadtegem maahtah aaj daesnie govledh saaht gåessie: https://radio.nrk.no/serie/julev-satta
Lissine Sámi Radio aaj nedtesaernieh julevsaemien gïelesne dorje daesnie: www.nrk.no/sapmi jïh TV-aamhtesh julevsaemien gïelesne Ođđasatsne.
Saadtege åarjelsaemien gïelesne
Sámi Radion saadtegh åarjelsaemien gïelesne seedtesuvvieh dæjstan jïh duarstan tsåahka 1345. Maahtah aaj saadtegem daesnie govledh saaht gåessie: https://radio.nrk.no/serie/aaarjel-faaroe-soersamisk-magasin
Lissine Sámi Radio nedtesaernieh dorje åarjelsaemien gïelesne daesnie www.nrk.no/sapmi jïh TV-aamhtesh åarjelsaemien gïelesne Ođđasatsne.
Árdna
Árdna lea NRK Sápmin kultuvremagasijne. Daehtie saadtegistie dovne akte nöörjen jïh saemien låhkoe gååvnese, http://radio.nrk.no/serie/ardna-samisk-kulturmagasin-paa-norsk https://radio.nrk.no/serie/ardna-samisk-kulturmagasin-paa-samisk
Saernieh nöörjen gïelesne
Saernieh nöörjen gïelesne Sámi Radioste seedtesuvvieh gaajhki aarkebiejjiej tsåahka 1330 kanaalesne P2 jïh DABsne, jïh dejtie maahtah govledh saaht gåessie daesnie: http://radio.nrk.no/serie/darogïel-Ođđasat-nyheter-paa-norsk
Saemien kategorijeAkte jïjtse saemien kategorije raadijovespïelerisnie nedtesne gååvnese, gusnie maahtah saemien saadtegh ikth vielie govledh raadijovisnie. Dam daesnie gaavnh:
Nedte
Nedtesaernieh
NRK Sápmin nedtesaernieh leah nöörjen, noerhtesaemien, julevsaemien jïh åarjelsaemien gïelesne. Dejtie maahtah daesnie lohkedh:
SR Sameradion jïh SVT Sápmi aktem tjåenghkies nedtesijjiem utnieh, saernieh dejstie minngemes neebneme maahtah lohkedh sveerjen jïh noerhtesaemien gïelesne daesnie:
YLE Sápmin nedtesaernieh leah åajvahkommes noerhtesaemien gïelesne, jïh dejtie maahtah daesnie lohkedh:
Nu Fal
Nu Fal lea NRK Sápmin nedtesæjroe noeride, jïh lea nöörjen jïh noerhtesaemien gïelesne. Nu Fal daesnie gaavnh:
Maanide
Superen nedtesæjrojne aaj akte faalenasse saamastallije maanide. Dam daesnie gaavnh: