NRK Sámi prográmmat leat sihke sámi álbmogii ja majoritehtaálbmogii oaivvilduvvon. NRK Sámi beakkáneamos prográmmat leat «Ođđasat» ja «Mánáid-TV». NRK Sápmi sádde davvisámegillii, dárogillii, julevsámegillii ja lullisámegillii.
TV:
Ođđasat
Ođđasat leat sámi TV-ođđasat, mat sáddejuvvojit sihke Norggas, Ruoŧas ja Suomas. ja lea NRK, YLE ja SVT ovttasbargu.
Mánáide
NRK Supera neahttabáikkis lea maid fálaldat sámegielat mánáide. Dan gávnnat dákko:
Eará tv-sisdoallu
NRK Sápmi buvttada ja almmuha iešguđetlágan tv-sisdoalu jagis jahkái. Earret eará guoimmuhanráiddu «Muitte mu», ávvučájálmasa «Jielemen Aavoe», dokumentára Elsa Laula birra, Giđđajohtin minuvttas minuktii, konseartaprográmmat Katarina Barruk:in ja Marja Helene Mortensson Fjellheim:in, sámediggepresideantta sárdni.
Sámi kategoriija
Neahtta-TVs lea sierra sámi kategoriija, gos sáhtát nuppádassii geahččat sámi prográmmaid. Dan gávnnat dákko:
Teaksta-TV
NRK Sámi ođđasat ja eará dieđut almmuhuvvojit sierra siidduin NRK teaksta-TV:s. Siiddut gos gávnnat NRK Sámi fálaldaga doppe leat 480.
Rádio:
Sámi Radio
NRK Sámi rádiofálaldaga namma lea “Sámi Radio”. Sáddagat leat sihke davvisámegillii, julevsámegillii, lullisámegillii ja dárogillii. Sáddagiid gullá NRK P2s, DABs ja dákko:
Oassi Sámi Radio sáddagiin gullá maid Suoma ja Ruoŧa sámerádioin. DABs ja neahttarádios lea sátta birra jándora.
Buorre iđit Sápmi
Sámi Radio iđitsátta, Buorre iđit Sápmi, gaskal 0700 ja 0900 (Norgga áiggi) sáddejuvvo Ruotas, Suomas ja Norggas.
Valvi
Nuoraidprográmma beaivválaččat rádios gaskal diibmu 13.30 ja diibmu 16.00. Bearjadagaid lea visuella sátta gaskal 13.00 ja 16.00.
Veaigesátta
Veaigesátta lea áigeguovdilissátta maid gulat gaskal dii. 15.00 ja 16.30.