Samisk Hus Oslosne beetnegapth
Åejviestaaresne saemien gaavnedimmiesijjie Samisk Hus tjabreminie nåake ekonomijen gaavhtan. Daelie dïhte orre biejjieladtje åejvie jarkelimmeh dåajvohte.
Samisk Hus Oslosne lea sosijaale jïh kulturelle aarena gaajhkide saemide Oslo-regijovnesne.
Plusseste mijnusasse
Jaepien 2020 Samisk Husen dïeneste lij 110 732 kråvnah, jaepien 2021 dïeneste lij jorkesamme jïh faetie lea – 41 990 sjïdteme.
Biejjieladtje åejvie tjïelkeste dah idtjin gaajhkh vierhtieh åadtjoeh goh lin syökeme.
Orre åejvie jïh orre ståvroe
Aili Guttorn, gie lij Markomennun festivaaleåejvie, lea biejjieladtje åejvie Samisk Husesne voerhtjen 1.b. raejeste daan jaepien. Evteben tjaktjen mahte abpe ståvroe aaj orre sjïdti, barre Kari Helene Partapioli åadtjoeji jåerhkedh.
– Mijjen leah jïjnjh syjhtedassh Samisk Husesne Oslosne goh kultuvre- jïh gïelejarnge. Mijjieh vuejnebe jis edtjebe maehtedh dejtie tjïrrehtidh, dellie jienebh almetjh tjuerieh daesnie barkedh, Guttorm vaestede.
Jienebh beetnegh åhtsa
Mubpien jaapan gïelejarngegoevtese Samisk Husesne 750 000 kråvnah dåarjojne Saemiedigkeste åhtsa.
Gïelejarnge sæjhta jåerhkedh noertesaemien-gïelekuvsjh faalehtidh. Lissine edtja jienebh gïeleareenah geerve almetjidie jïh maanide faalehtidh, Samisk Hus sov ohtsemisnie Saemiedægkan tjaala.
Lohkh daaroengïelesne daesnie
