Gáldut muitalit ahte Boris Johnson geassáda

Stuora-Británnia stáhtaministara kantuvrras muitalit gáldut ahte Boris Johnson geassáda stáhtaministtarin.

BBC dieđuid mielde almmuha stáhtaministara kantuvra dán moatti diimmu geažes.

54 lahttu Johnson ráđđehusas leat geassádan iežaset ámmáhiin, ja ollugat sis gáibidit Johnsona geassádit stáhtaministtarin, maŋŋágo stáhtaministtar maŋŋebárgga mieđihii ahte son diđii seksuála lahkoneami čuoččuhusaid birra, mat ledje boahtán su bellodatlahttu Chris Puncher vuostá, ovdalgo nammadii su ámmáhii, man bargun lea čohkket doarvái lahtuid jienastemiide.

Maŋŋágo Johnson mieđihii ahte dát nammadeapmi lei boastut, de álge ministarat geassádit.