Biden dadjá dál lea atomasoahteáitta

USA presideanta Joe Biden dadjá ahte dál lea vuosttaš geardde galbma soađi rájes ahte lea áitta das go sáhttá šaddat atomasoahti. Dákkár dilis eat leat leamašan dan rájes go Kennedy lei presideantta ja go lei Cubaheahti jagi 1962, nu dajai Biden ikte go lágidedje bellodatdoalu New Yorkas. Biden dajai maid ahte Ruošša presideanta Vladimir Putin "ii dájo" go son nihttá geavahit atomavearjjuid.