Politiijat patruljerejit Álttás

Álttás, Finnmárkkus lea politiija lasihan patrullerema. Ikte árra iđit Gakori ássanguovllus bulii guovtti sajes, biilastálla ja moadde čuohte mehtera geahčes viessu. Politiija lea dutkamin ášši ja okta teoriija lea ahte dát buollimat leat cahkkehuvvon. Politiija lea juo čielggadeamen dan gii dát vejolaš vearredahkki lea. Dan muitala Álttá politiijastašuvnna hoavda Paul-Arne Lind. – Sii leat jo patruljeregoahtán Gakori ja eará sajiin Álttás, dadjá son.