Láhkačeahppi: – Heajos beaivi Brasila álbmogii

– Otná válgaboađus lea heittot Brasila álbmogii ja eamiálbmogii. Dan dadjá Brasila Sosialisttalaš bellodaga párlamentajoavkku láhkačeahppi, Paulo Stanich Neto, NRK Sápmái.

– Jair Bolsonaro vuittii 60 proseantta sajiin guktot viesuin párlameanttas. Dat mearkkaša, ahte šaddá váttis stivret vaikko Lula vuoittášiige nuppi válgavuoru. Boahtun sáhttá šaddat kaos, váruha Neto.

Sosialisttalaš bellodat dagai erenoamáš heajos válgga.

– Bellodat massii sullii beali iežas párlameantaáirasiin. Dasa lassin massiimet ráđđehusválddi máŋgga oassestáhtas, šálloša Neto.

Brasilas leat sullii 212 miljon ássi. Riikkas leat 27 federála ovttadaga. Dát leat federála guovlu (Distrito Federal) ja 26 oassestáhta.