Nordkalottungdommen ii leat Nordkalottfolket neahttasiiddus
Nordkalottfolket neahttasiiddus ii leat miige čujuhus Nordkalottungdommen searvái. Iige nuoraidsearvvis leat iežas Facebook-siidu.
Dál leat guovttis golmma Nordkalottungdommen gaskaboddosaš stivrra lahtus guođđán searvvi, namalassii Aina Madelén Nordsletta Aslaksen ja Katarina Jørstad Thoresen.
Ságat áviissa dieđuid mielde lea dušše Charlotte Solli Larsen báhcán.
Thoresen duođašta áviisii, ahte nuoraidsearvvi vuođđudeapmi ii goassige boahtán guhkeleappui go gaskaboddosaš stivrra (interimstyre) ásaheapmái.
Nordkalottfolket lea Sámedikki nubbin stuorámus bellodat ja dat searvá fylkkapolitihkkii maid.
Loga dárogillii
