Soalddáhat vásihit seksuálalaš loavkideami
Gávcci proseanta soalddáhiin geat vástidedje bálvalusgeatnegasvuođaiskkadeami 2021:s, vástidedje ahte sii leat seksuálaláččat loavkiduvvon. Dát lea seamma boađus go 2020:is, muhto lassáneapmi guvttiin proseanttain 2017:i ektui.
Iskkadeamis boahtá ovdán ahte dievddut, mat raporterejit seksuálalaš loavkašuhttima, dat dagahit dakkár lassáneami.
Soalddáhat dieđihit ahte loavkašuhttin eanaš gerddiid geavvá maŋŋá rekruhtaskuvlla, ja ahte leat eanaš eará soalddáhat loavkašuhttet. Boahtá maid ovdan ahte lohku befálain geat seksuálalaččat loavkašuhttet njiedja.
Iskkadeapmi sáddejuvvui buot suodjalusgeatnegahtton olbmuide geat ledje vuosttasgearddebálvalusas 2021. Oktiibuot 3348 olbmo serve iskosii.