Ollusat váldet oktavuođa Rukses Ruossain

Vaikke pandemiija lea nohkan, de váldet ollu mánát ja nuorat oktavuođa Rukses Ruossain. Dán rádjai dán jagi leat masá 20.000:a váldán oktavuođa sin ságastallanfálaldagain mánáide ja nuoraide, Kors på halsen. Nu čállá Rukses Ruossa preassadieđáhusas.

– Eanaš fáttát maid loktejit minguin lea iešsorbmen, ballu ja borranváttut. Min eaktodáhtolaččat vásihit olu dáid ságastallamiin leat losit go ovdal ledje, čállá Rukses Ruossa.