Ruhtačoaggin álggahuvvon guoddalit Kiira-ášši
Áltálaš Herlof Hammari lea álggahan Spleis ruhtačoaggin akšuvnna, maŋŋel go politiijat áššehuhtte guokte olbmo geat leigga áššáiduvvan báhčán beatnaga Kiira Joatkkas, Álttás.
Dássážii leat 751 olbmo skeŋken ruđa. Oktiibuot leat sii čoaggan 159 055 kruvnna.
Hammari dadjá ášši lea guoskkehan su dovdduide go son liiko leat meahcis ja liiko beatnagiidda, ja danin háliida doarjut beanaeaiggáda. Gottáhallan beatnaga eaiggát Ismael Forsblom mielas lea buorre go olbmot dorjot ášši.
Guldal jearahallama sudnon dás.
Guovdageaidnulaš boazoeaiggáda Mihkkel Issat Eira mielas ii leat dohkálaš nu movt olbmot čállet sosiála mediaide dán ášši oktavuođas.
Su mielas leat olbmuid kommentárat njulgestaga rasisttalaččat.
Guldal maid Eira oaivvilda dás.