Dohkkehit Ruoŧa ja Suoma Nato-searvama
– Dá lea historjjálaš beaivi Supmii, Ruŧŧii, Nato:i ja euro-atlantalaš sihkarvuhtii.
Nu dajai Nato váldočálli Jens Stoltenberg preassakonferánssas maŋŋebárgga, ovttas Ruoŧa ja Suoma olgoriikaministariiguin.
Buot Nato 30 miellahttoriikka leat dál vuolláičállán Ruoŧa ja Suoma searvanbeavdegirjji. Dál leat riikkat almmolaččat «bovdejuvvon miellahttun» Nato:i.
