Váibmopasieanttat eai beassan doaktára lusa

19 váibmopasientii Kirkonjárggas čuozai girditeknihkkár bargoheaitta, go spesialisttadoavttir ii beassan Kirkonjárgii, čállá Sør Varanger áviisa. Finnmárkkubuohcceviesu medisiidnafágahoavda Harald Sunde lohká iežaset gártan dieđihit buhcciide ahte ii šatta doavttertiibma. Son lohká áviisii ahte lea duđavaš go ráđđehus gáibidii bákkolaš soabadallama girditeknihkkár konflivtta olis.