Fástadoavtterortnet hedjonan

Fástadoavtterortnet lea sákka hedjonan maŋemuš jagiid. Diimmá álbmotdoavtterbálvalusa raporta čájeha ahte ollu gieldda ássiin Norggas ii leat fásta doavttir.

Fástadoavtterortnega ollislaš kapasitehta lea unnon go lea váttis oažžut doaktáriid bargat fásta doavttirin. Dat muitala ahte dilli lea duođalaš, lohká dearvvašvuođadirektevra Bjørn Guldvog. Dán jagi njukčamánu logut čájehit ahte birrasiid beannot čuohteduhát olbmos ii leat fásta doavttir.