Boahtte vahku girdet helikopterat

Boahtte vahkus galget buot Norgga ambulánsahelikopterat leat dábálaš doaimmas. Helikopterat eai sáhttán girdit muohtadálkin muhtun filtara geažil. Disdaga rájes sáhttet ambulánsahelikopterat girdigoahtit muohtadálkin, álggos vuos Lørenskogas ja de vuoruhit Arendala ja Bergena, dieđiha NTB. Davvi-Norggas lea buorre dálki ja doppe sáhttet girdit, ja nu ii daga maidege go dát filttar váilu helikopteriin.