Ann-Kristine lea dutkan min bániid
Rávisolbmuin riddosuohkaniin leavvá karies eambbo go siseatnan suohkaniin, muhto eai leat čearddalaš erohusat siskkobealde guovlluid, nu boahtá ovdan varas doavttergrádas dearvvašvuođadiehtagis maid Ann-Kristine Sara Bongo lea čađahan. Dán dutkamuša váldomihttu lea leamaš kártet bátnedearvvašvuođadiliid sápmelaččain Davvi Norggas. Mihttu lei nai iskat bátnebeassandávdda ja karies leavvama rávisolbmuin sámi álbmogis ja álbmogis geat eai leat sápmelaččat. Son galgá juovlamánu 8.beaivvi almmolaččat bealuštit iežas nákkosgirjji.