Sámi riikkajoavku Nice gávpogii

Koronarohtodávda lea bissehan sámi riikkajoavkkuid čiekčamiid, muhto boahtte geasi servet guovtti meašttirgilvui.

Sámi spábbačiekčanlihttu, FA Sámi presideanta Håkan Kuorak muitala ahte Sápmi vuolgá Nice gávpogii Fránskkaeatnamis, geassemánu álggus. Doppe leat de dievdduid Conifa eurohpámeašttirčiekčamat. Nissonjoavku searvá ges Conifa World Womens cup;ii, suoidnemánus Romanias.