Andersen jođihišgoahtá NSR:a

Norgga sámiid riikasearvvi jođihišgoahtá gaskaboddosaččat searvvi politihkálaš nubbi jođiheaddji Vidar Andersen riikačoahkkima rádjai, nu dieđiha NSR preassadieđáhusas. Dálá jođiheaddji Runar Myrnes Balto dieđihii NSR stivrrii sotnabeaivve golggotmánu 24. beaivve, ahte geassáda jođiheaddjin. Sivvan geassádeapmai lea go son nammaduvvui Sámediggeráđđin golggotmánu 21. beaivve. Balto lea jođihan Norgga sámiid riikasearvvi 2018 rájes. NSR:a vuosttas nubbi jođiheaddji Saia Stueng ii váldán vuostá jođiheaddji doaimma go ii lohkan iežas asttat guvttiin smávva mánáin dakkár ovddasvástádusa váldit.