Det var 38 år gamle Mona Hansen som mista livet då to bilar kolliderte i den undersjøiske Byfjordtunellen mellom Randaberg og Rennesøy like etter klokka 21 nyttårsaftan. Tilstanden til dei to andre som var involverte i ulukka er alvorleg men stabil.
- Les òg:
Det er lensmannskontoret i Rennesøy som etterforskar ulukka, og dei er interesserte i tips skriv lokalavisa, Bygdebladet, på nett. Dei ønsker informasjon om kva som har skjedd før kollisjone mellom dei to personbilane.
Ifølgje lensmannen i Finnøy, Edvind Gard, ser det ut som om den 38 år gamle kvinna køyrde mot Stavanger, medan dei to i den andre bilen køyrde nordover.
–Me er førebels i den innleiande fasen av etterforskinga, og skal i gang med avhøyr av dei første personane som kom til på ulukkesstaden, seier Gard til avisa.
Politiet har sikra ulukkesbilane. Desse skal undersøkast av ulukkesgruppa til Vegvesenet og av politiet. Eit arbeid dei ifølgje Bygdebladet ikkje kjem i gang med før etter helga.
