Hopp til innhold

Riksveg 13 opna etter steinras i natt

Ein fire meter lang stein raste i natt ned frå fjellsida ved Suldalsvatnet mellom Sand og Røldal. Oppryddinga har tatt heile dagen, men no er vegen open i eit felt.

Opprydding på riksveg 13

Entreprenør er på staden og ryddar steinar frå vegbanen.

Foto: Thomas Halleland / NRK

– Me fekk tilbakemelding frå entreprenøren som brøytar på vegen om at ein fire meter lang stein låg i vegbanen, fortel trafikkoperatør hos Vegtrafikksentralen, Ove Amundsen.

Denne meldinga kom inn klokka 00.45 og vegen blei sperra med det same. Vegvesenet sende ikkje inn mannskap i området mellom Vikatunnelen og Falkalitunnelen, der raset gjekk, før det blei dagslys.

Ras

Fleire steinar har dundra nedover fjellet i Suldal. Den største er fire meter lang.

Foto: Vegtrafikksentralen

Nå er arbeidet med å rydde vegbanen i gong. Entreprenør er på staden og reinskar stein vekk frå vegen. Den aller største steinen må meislast vekk

– Me må få fjerna resten av massane og fiksa vegbanen, og Svein Tore Tveitane i NCC som leiar arbeidet med å få fjerna raset.

–Er det mykje arbeid å få meisla opp den store steinen?

– Ja, det har vore omfattande, for steinen er stor og svært hard, seier Tveitane.

Vegen opna for trafikk ved 15-tida, men med berre eit køyrefelt førebels.

Steinras på riksveg 13