I dag blei scenen på 18x25 meter rigga på festivalområdet på Lassa. Her står blant andre A-ha i morgon og Ozzy Osbourne på laurdag.
- Dette er den største festivalproduksjonen i landet. Scena er stor, me har fått på plass masse lys og eit bra lydanlegg, seier festivalsjef Kristoffer Kinden Endresen til NRK.
Han seier alt er i rute før portane opnar klokka 16 i morgon.
- Me arbeider på spreng for å få alt på plass. Det er varsla bra vêr og alt ligg til rette for ein bra festival, seier Endresen.
Han seier mange har tatt turen til Stavanger sentrum for å skaffa seg festivalband.
- Dei som ikkje har gjort dette kan sjølvsagt få løyst billett på festivalområdet, seier ein spent Endresen.