I halv ni tida onsdag kveld fekk brannvesenet inn melding om brann i Strandgata 115 i Haugesund sentrum, der dei gamle trehusa står tett.
– Det var i ein bossdunk det brann, og brannen var truleg påsett, opplyser 110-operatør i brannvesenet i Haugesund, Steinar Eilertsen.
Brannvesenet rykka ut med stort mannskap, men då dei kom til staden hadde allereie ein privatperson ordna opp.
– Han hadde sløkt brannen med hjelp av eit pulverapparat, fortel Eilertsen.
Politiet opplyser om at dei nå gjer avhøyr av personar som var i området då det byrja å brenna. Det har vore ein liknande brann i same område for ikkje lenge sidan opplyser brannvesenet.
Innholdet som skulle vises her støttes dessverre ikke lenger.
